Дунёда тахминан 40 000 кишидан бир нафари албатта айнан шу синдром билан туғилади

  •  
  •  
  •  
  •  
  •  

Хуллас, Ваарденбург синдроми ирсий касаллик ҳисобланиб, уни биринчи мартта 1947 йилда голландиялик офтальмолог Петрус Йоханнес Ваарденбург аниқлаган. Ушбу касаллик натижасида инсоннинг кўзида пигмент ўзгаришлари юз беради, бурун кенг шаклга ва сал кўтарилган белга эга бўлади. Бемор кўзнинг рангдор пардаси гетерохромиясидан (турли рангдаги кўзлар) азият чекиши мумкин. Бошқача қилиб айтганда, у ҳудди ўзга сайёрра рангидаги кўзларга эга бўлади ва бундай беморнинг суратига қаралганда унинг устида Photoshop билан яхшигина ишлангандек туюлади. Бундан ташқари, мазкур синдромга эга одамларда нафақат кўзлар, балки тери ва сочларда (айнан пешона устида оқарган соч тутами пайдо бўлади) ҳам пигментация юз беради. Шунингдек, эшитиш қобилиятининг сусайиши ва карлик ҳам кузатилиши мумкин.

Қизиқарлиси, Ваарденбург синдромидан азият чекувчи инсонларнинг ҳар бирида турли аломатлар бўлади. Яъни, ўзгаришлар турли генларга таъсир кўрсатиши мумкин.

1. Агар Сизга ушбу ирсий касаллик аниқланган бўлса сиқилманг. Ёдда тутинг, кўплаб блоггерлар шу синдром ёрдамида оммабопликка эришган. Мана бу гўзал пардозчи Стеф Саньятига бир қаранг. Унинг кўзни қамаштирувчи қиёфаси одамни ҳайратга солади.

 

2. Эфиопиялик мана бу Абуше исмли болакай эса бир кун келиб футбол юлдузига, иккинчи Бэкхемга айланишни орзу қилади.

Абуше дунёга келганида унинг ота-онаси уни кўр деб ўйлаб қўрққанлар. Уларнинг қўрқувига асосий сабаб – кўплаб эфиопиялик оилалар сингари болакайнинг ота-онаси ҳам зўрға кун кўрадилар, шу боис жарроҳлик учун пуллари йўқ эди. Ҳайриятки, чақалоқда шунчаки юқорида айтилган синдром аниқланган. Унинг ота-онасининг айтишича, фарзандлари Яратганнинг белгисига эга.

Ҳақиқатда, болакайнинг турмуши осон эмас. Унинг айрим синфдошлари Абушенинг кўзлари пластикдан, шишадан эканлигини таъкидлашади. Баъзида, уни ҳаттоки маҳлуқ деб ҳам ҳақоратлашади…. Аммо қора танли мўъжиза бир куни футбол юлдузига айланишини ва маҳлуқ эмас, балки ўзига хос инсон эканлигини исботлашига ишонади.

 

3. Пэрис Жексон ва барчани ром қилувчи самовий кўзлар.

Майкл Жексоннинг қизида камёб ирсий касаллик мавжуд ва унинг кўзлари ҳеч қандай рангли линзалар эмас, дея таъкидлаган бир неча бор унинг пардозчиси. Бироқ, Пэрис ўз интервьюларида бу айнан Ваарденбург синдроми эканлигини тан олмаган. Зеро, кўзларининг рангидан ташқари унда касалликнинг бошқа биронта аломати йўқ.

 

4. Тинчлик корпуси кўнгиллилари Ваарденбург синдромига эга кичик қизчанинг ажойиб суратини ўртоқлашдилар.

Кўнгиллилардан бири ижтимоий тармоқларга сенегаллик қизчанинг суратини жойлаштирган ва Суру (қора танли гўзалнинг исми айнан шундай) ўта чиройли кўзларга эгалигини таъкидлаган. Шунингдек, унинг ўнг қўлида кичик доғ бўлиб, афсуски у кар ҳамдирr….

 

5. Мана бу 11 ёшли бразилиялик қизча эса болалар модаси юлдузига айланди.

Кэтленнинг онаси мовий кўзли кар қизалоғини биринчи мартта кўрганида фарзандини алиштириб қўйишган деб ўйлаган. Бугунга келиб эса қизча Бразилиядаги ёш модельга айланиб, гўзаллик одатий тасаввурларни ва турли ҳаётий қийинчиликларни енга олишини дунёга билдирмоқда.